Ginhinyo ni National Bureau of Investigation (NBI) Director Melvin Matibag sa House prosecution panel nga padasigon ro anang testimonya sa impeachment trial ni Vice President Sara Duterte.
Sa sueat nga may petsang Hulyo 10, ginpahayag ni Matibag nga pwede imaw nga mag-atubang sa Impeachment Court antes ukon sa Hulyo 20.
Suno sa hepe it NBI, magatambong imaw sa Scam Center Compounds ag Transnational Organized Crime Regional Summit sa Bangkok, Thailand sa Hulyo 21 hasta 22.
Sa makaron, owa pa nakasabat ro House prosecution panel sa anang hinyu.
Nauna eon nga ginpahayag it piskalya nga una nanda nga ipresentar bilang testigo si OVP Chief of Staff nga si Atty. Zuleika Lopez, NBI Regional Director Jeremy Lotoc, ag House Legislative Security Bureau Capt. Belinda Bello.
