Nagpaguwa it Tropical Cyclone Advisory No. 1 ro state weather bureau, angot sa pagbilog it Low Pressure Area sa nasidlangan it Visayas bilang Tropical Depression Haishen.
Base sa report, ro sentro it bagyo hay makit-an sa kaeayuon nga 1,265 kilometro nasidlangan it Eastern Visayas, ag presenteng sa guwa pa it Philippine Area of Responsibility (PAR).
Kun makasueod sa kadagatang sakop it PH, pagataw-an raya it local name nga Julian.
Daea kara ro maximum sustained winds nga 55 km/h maeapit sa sentro, may pagbugso nga hasta sa 70 km/h.
Nagahueag raya sa direksyong west northwestward sa kadasigon nga 30 km/h.
Maskin nga owa pa it direktang epekto sa nasyon, ginapadumdum it mga eksperto ro publiko nga padayun nga mag-monitor sa mga masunod nga bulletin eabi eon sa posibleng pagbag-o it direksyon ag kabaskog it bagyo.
Ro advisory hay epektibo hasta sa masunod nga abiso makaron nga gabi-i, alas-11:00 ro oras.
