Ginpamilit ni National Bureau of Investigation (NBI) Director Melvin Matibag sa anang testimonya sa impeachment trial nga ro mga pahayag ni Vice President Sara Duterte angot sa pakikipag-angot sa sangka hitman hay indi pwedeng makabig nga joke kundi sangka seryoso, aktibo, ag padayon nga paeag.
Suno sa NBI, gumuwa sa andang imbestigasyon nga may bastante nga basehan agud seryosohon ro nasambit nga mga pahayag.
Ginsaalang-alang sa andang pag-usisa ro pattern it karahasan, bug-at it insidente, kakayahan, motibo, ag personalidad it mga tawong imbolbado ukon gintumod.
Ro Article IV it impeachment complaint hay naga-talakay sa mga alegasyon it grave threats kontra kanday Pangueong Ferdinand Marcos Jr., First Lady Liza Araneta-Marcos, ag dating House Speaker Martin Romualdez, pati eon man ro pasibangud nga nag-udyok it sedisyon ro Bise Presidente.
Si Matibag ro ulihing testigo it prosekusyon para sa nsambit nga artikulo, ag ginaeaumang magiging importanteng parte it ebidensyang paga-susion it impeachment court.
Suno sa NBI, ro mga nasambit nga pahayag hay may potensyal nga magtuga it kinagamo ag dapat solusyunan sa idaeom it naga-iral nga legal nga proseso.
