Nag-abot eon sa $37.5 bilyon ro nagastos it Estados Unidos sa presenteng gyera kontra sa Iran, suno sa report nga ginpaguwa sa pagpamati sa Capitol Hill.
Kadungan kara, naga-hinyo ro administrasyon ni Pangueong Donald Trump it dugang nga $87.6 bilyong pondo, kaibahan ro $67 bilyon para sa mga operasyong militar sa Middle East, agud mapun-an ro kakueangan sa mga bala, kagamitang pang-gyera, ag sweldo it mga suldado.
Na-delay it pilang uman ro pagpamati sa Pentagon budget matapos mag-singgit it pagbaeabag ro mga anti-war protesters sa sueod it kwarto.
Temporaryo nga ginsuspinde ro pagpamati samtang ginpaguwa it Capitol Police ro mga demonstrador.
Mageuwas sa mga protesta, nag-angkon man it grabe nga kutana ag kritisismo ro proposisyong dugang nga pondo halin sa pilang senador, nga nagpaandam nga ro naga-eawig nga kinagamo sa Iran hay posibleng umabot sa sangka mabuhay ag magastos nga gyera nga amat-amat eon nga naduduea-an it suporta halin sa publiko.
