Gintumod it mga awtoridad sa Germany nga sangka terrorist attack nga may kaangtanan sigon sa Islamist extremism ro natabu nga pag-araro sa Pride event sa Berlin.
Natabu ro insidente maeapit sa lugar kun sa siin ginpatigayon ro Christopher Street Day, sambilog sa pinakamabahoe nga LGBTQ Pride events sa Europa.
Nasayuran nga sambilog ro namatay samtang 30 nga iba pa ro naninahan matapos araduhon it sangka puting minivan ro Tiergarten Park maeapit sa Brandenburg Gate sa Berlin ko Sabado it gabi-i.
Sa nasambit nga numero, 11 ro una sa kritikal nga kondisyon.
Ginkilaea ro suspek nga si Abdul B, sangka German citizen nga may Lebanese background. Suno sa mga imbestigador bag-o eamang raya nga nakahilway halin sa juvenile detention ukon daywang buean antes ro insidente ag dati eon nga gina-monitor it domestic intelligence bangud sa gina alegar nga posibleng koneksyon sa Islamic State group.
Suno sa Berlin police, gina-usoy pa ro suspek ag nagpaandam sa publiko nga indi raya pagpaeapitan bangud nga posibleng armado ag peligrioso.
Padayun man ro imbestigasyon agud nga masayuran kun naga-isaeahanon eamang ro suspek ukon may iba pa raya nga kaibahan, matapos hambaeon it kapulisan nga posibleng may masobra sa sangka tawo ro nagpanaog halin sa saeakyan.
Ginpasiguro man it Germany nga andang pagapasabton ro mga suspek kun sa siin paga-istoryaha n man ro pilang isyu sa pag-instrikto it immigration.
