Sumabog ag nagkaeayo ro sangka oil tanker matapos raya nga makasagasa it sangka naval mine sa Strait of Hormuz.
Base sa report, indi pa matumod ro identity it barko, apang ginasugid nga nag-agi raya sa rutang owa gintaeana it Iran para sa mga saeakyang pandagat nga nagasueod ag nagaguwa sa Persian Gulf.
Suno sa Tasnim News Agency, an-um pang barko ro naghana nga magtabok sa nasambit nga ruta apang umatras matapos magpaandam ro Iran Revolutionary Guard Corps nga andang paga-atakihon ro sin-o mang magapadayun sa pag-eayag.
Padayun gihapon nga naga-init ro tensyon sa rehiyon maskin napabalita nga temporaryo nga ginpundo it Estados Unidos ro pagpamomba sa Iran bangud sa kakueangan it armas. Samtang, nagapadayun man ro bakbakan sa tunga it Houthi rebels sa Yemen ag Saudi Arabia, nga nagtuga it kahalitan sa pilang barko ag mga pasilidad it langis ag paeuparan sa rehiyon.
