Indi eon magpatigayon it cross examination ro kampo ni Vice President Sara Duterte sa daywang dating branch manager it Land Bank sa ika-10 adlaw it impeachment trial, matapos kabigon nga uwa it isyu ro andang mga testimonya.
Ginkumpirma it daywang dating opisyal it bangko ro pag-withdraw it Office of the Vice President (OVP) it kapin sa P500 milyon ag it Department of Education (DepEd) it P112.5 milyon ku 2023.
Naghinyo eon lang sanda it pagklaro angot sa paggamit sigon it fire exit it sangka espesyal nga disbursing officer it DepEd matapos ro pag-encash it milyon-milyong pisong pampublikong pondo, agud malikawan ro anumang saea nga interpretasyon sa insidente.
Samtang, nagpamaeabag man ro depensa sa proposisyong bag-uhon ro daloy it impeachment trial agud ma-prisinta eagi nanda ro andang ebidensya matapos ro kada artikulo it impeachment.
Bangud kara, ginpadayon it impeachment court rp[ orihinal nga iskedyul kun siin paga-tapuson anay it prosekusyon ro paghathat it tanan nga ebidensya antes mag-umpisa ro presentasyon it depensa.
