Uman nga nagpakitang gilas ro Pinay tennis sensation nga si Alex Eala matapos piyerdihon ro world No. 10 nga si Elina Svitolina sa quarterfinals it DC Open.
Sa hampang nga ginpatigayon sa Washington, DC, nagpangibabaw si Eala pinaagi sa straight sets, 6-3, 6-4, rason nga nakasueod sa semifinals it prestihiyosong torneo.
Sa unang set, nagbaeayluhan it puntos ro daywang player bago naangkon ni Eala ro 4-2 nga abante ag eubusan nga ginsarado ro set.
Sa ikaywang set, madasig nga umabanse si Svitolina sa score nga 2-0 apang nakabawi si Eala ag nakalista it tatlong sunod nga daog rason nga naangkon ro 4-3 nga abanse.
Maskin nga nakapatas pa ro Ukrainian sa 4-all, nagapabilin nga kalmado ro Filipina ag tinapos ro hampang sa ulihing daywang game.
Ro kadaeag-an hay nagapamatuod nga mas pa nga nagmayad si Eala matapos nga una nga ginpiyerde si Svitolina sa Berlin Open ko Hunyo.
Sa semifinals, maka-atubang nana si dating world No. 1 Naomi Osaka, nga ginpiyerde si Elisabetta Cocciaretto.
Ro nasambit nga kadaeag-an hay sambilog eon man sa mga importanteng tikang para sa batang Filipina sa anang pag-saka sa world tennis level.
