Uman nga nagselebrar ro Pilipinas sa international pageantry matapos koronahan si Ma. Katrina ”Kat” Llegado bilang Miss Supranational 2026 sa Nowy Sącz, Poland, adlaw it Sabado, August 1 (adlaw sa Pilipinas).
Ginpiyerde ni Katrina ro 66 nga iba pang kandidata halin sa nagkaeain-eain nga mga nasyon agud nga maangkon ro ikaywang korona it Pilipinas sa Miss Supranational.
Sa final question-and-answer round, dikara gin-todo ni Kat ro anang pagpati nga indi kinahangean nga magpabor ro sangka babaye sa ginahambae it iba.
“I always believe that we should never fit into a mold. We are perfectly imperfect,” she said. “I am someone who struggles with perfection. I am here today doing my best and becoming my best version,” pahayag ni Katrina.
Nasayuran nga sangka military reservist man it Philippine Air Force si Kat, kun sa siin, pumabor ro kapalaran sa daeaga matapos ipasa ni Eduarda Braum it Brazil ro korona.
Kadungan it koronasyon, unang ginpakilaea man it organisasyon ro bag-ong Fioletowa Crown, nga gindesinyo it Venezuelan jeweler nga si George Wittels ag gin-eakip ro mga kulay it purple nga gemstones bilang simbolo it ambisyon, dungog, ag kadaeag-an it sangka babaye.
Ro kadaeag-an ni Katrina Llegado ro naghatud sa Pilipinas it ikaywang Miss Supranational crown, 13 anyos matapos ro makasaysayang pagdaog ni Mutya Datul ko 2013.
