Nagpamalibad ro Western Visayas Alliance of Transport Cooperatives and Corporations Inc. (WVATCCI), nga naga-representar sa 11 transport cooperatives sa Iloilo, sa panawagan para sa transport ukon people’s strike.
Suno sa grupo, pwedeng maapektuhan it untat-pasada ro mga commuter, estudyante, trabahador ag mga negosyo nga indi man direktang masolbar ro mga problema sa sektor it pampublikong transportasyon.
Kaibahan sa mga isyung gustong mataw-an it sabat it WVATCCI ro padayun nga pagtaas it presyo it langis, tamang pamasahe, bastante nga ayuda it gobyerno ag hugut nga pagpatuman it mga tikang kontra sa mga colorum ukon bukon it awtorisadong pampublikong saeakyan.
Sa baylo nga untat-pasada, nakataeana raya nga makipagdayalogo sa LTFRB Region 6, Department of Transportation ag Iloilo City Government, kamana man sa mga driver, operator ag commuter.
