Nakaangkon eon it kasugtanan ro Iran sa Oman para sa malinong nga pag-agi it mga barko sa Strait of Hormuz.
Raya ro ginkumpirma ni Foreign ministry spokesman Esmaeil Baqaei apang owa eon nagtau pa it anumang detalye.
Dugang pa kara nga una eon sa “final stages” ro nasambit nga kasugtanan.
Nagtau man raya it paandam nga ro kasugtanan sa Oman hay indi maka-garantiya it eowas nga pag-agi sa katung-anan it strait.
Ginpamilit kara nga ro seguridad hay maapektuhan gihapon it pagbaeabag it US sa mga pantala it Iran.
Umpisa nga maglunsar it pag-atake ro US ag Israel sa Iran ko Pebrero hay ginbaeabagan it Iran ro mabahoe nga parte it Strait of Hormuz kun sa siin kaabuan sa mga oil ag liquefied natural gas ro kaeabanan nga naga-agi sa lugar.
Nauna eon nga ginpahayag ni US President Donald Trump nga andang grabeng pagatamaan ro Iran kon indi eagi pagbuksan ro Strait of Hormuz.
