Ginapasuspinde it grupong Concerned Health Advocates for the Prevention and Control of Tuberculosis ukon CHAP-CT sa Office of the Ombudsman si Health Secretary Jose Pujalte Jr., angot sa pagsuspinde sa masobra sa P3 bilyon procurement it mga bueong kontra sa tuberculosis para sa 2026.
Suno sa grupo, posibleng magtuga it pagka-delay sa supply it bueong sa bilog nga nasyon bangud nga naga-abot sa an-um hasta sa siyam nga buean ro procurement ag delivery it mga raya.
Mag-eowas kara, ginarekomenda man it grupo ro pagpasaka it kasong graft kontra kay Pujalte.
Ginpamilit pa it CHAP-CT, katumbas eon it grave misconduct, grave abuse of authority ag conduct prejudicial to the best interest of the service ro pagsuspinde it sekretaryo sa mga bueong para sa tuberculosis program.
Ginmitlang man sa reklamo ro alegasyon it mga gina alegar nga whistleblower nga ginhungod nga pahinayon ro bidding process agud nga mapaboran ro sangka pribadong supplier.
