Nag-tanyag ro Iran it $30,000 nga padya sa sin-o mang makadakop ukon makapatay it sangka soldadong Amerikano.
Suno sa Iran’s state news agency, ginpahayag ni Army Chief Amir Hatami nga ginlunsar ro programa matapos makabaton ro militar it maabu nga hinyu halin sa mga Iranian nga gustong magpasakop.
Mas mataas sigon ro padya para sa mga babayeng makahimo it programa. Suno kay Hatami, doble sa $30,000 ro mabaton it mga babayeng makadakop ukon makapatay it soldadong Amerikano.
Owa man nagtau si Hatami it detalye kun siin ukon hin-uno pwedeng obrahon ro pagpatay ukon pagdakop sa mga soldadong Amerikano.
Sa makaron hay owa man it kumpirmadong deployment it US ground forces sa Iran sa nagapadayun nga giyera. Kaibahan sa mga napabalita nga operasyon ro rescue mission ko Abril para sa sangka Amerikanong piloto nga napabagsak ro andang eroplano.
Uman nga nagpanawagan si Hatami sa Estados Unidos nga maghalin sa Middle East ag gin-insister nga owa sigon it pahanugot ro US nga magsueod sa Persian Gulf, Gulf of Oman ag Strait of Hormuz.
