Nagnaba sa 1.91 milyong metric tons ro kabilugan nga rice stocks it nasyon ko Setyembre 1, suno sa Philippine Statistics Authority (PSA), samtang nagapahaum ro nasyon sa ginaeauman nga grabeng epekto it El Niño sa mga masunod nga buean.
Raya hay mas manaba it 8% kumpara sa 2.07 milyong metric tons nga nailista sa kaparehong tiempo ko nagtaliwan nga dag-on.
Nagnaba man it 12.4% ro rice inventory halin sa 2.18 milyong metric tons ko Agosto.
Nailista man ro pagnaba it rice stocks sa mga bodega it National Food Authority (NFA) ag mga kabaeayan.
“This month’s rice stocks inventories registered annual decreases from the NFA depositories by 36.1 percent and from the households by 0.6 percent. On the other hand, an annual increase was noted from the commercial sector by 0.1 percent,” suno sa PSA.
