Indi magnaba sa limang Palestinian, kaibahan ro daywang unga, ro namatay sa magka-separar nga airstrike ag pamamaril sa Gaza Strip ku Lunes, suno sa health officials.
Kaibahan sa mga namatay ro 10-anyos nga unga nga babaye nga gin-baril samtang una sa sueod it tent it andang pamilya sa Khan Younis, ag sangka 4-anyos nga unga nga eaeaki nga namatay sa airstrike sa Bureij refugee camp.
Suno sa Israeli military, gin-atake kara ro pilang pasilidad nga ginahambae nga ginagamit it Hamas para sa pag-tipon it armas ag palunsar it mga pag-atake.
Tatlo pang Palestinian ro namatay sa magka-separar mga pag-atake sa Gaza, kaibahan ro daywang mag-maeanghod nga una sa sangka tent sa Deir al-Balah.
Base sa datos it Hamas-run health ministry, masobra 1,296 Palestinian, kaibahan ro 300 inunga, ro napatay sa mga pag-atake it Israel halin kat ipatuma ro ceasefire ku Oktubre.
