Ginpaathag ni Rev. Fr. Atty. Jude Rebaldo it St. Isidore the Farmer Parish, Nabas nga kon tan-awon sa legal nga proseso hay uwa eon it lusot si Vice President Sara Duterte sa ginaakusa kana nga maanomalyang paggamit it 125 milyon pesos confidential fund.
Apang, sa nagapadayon nga pagbista kana hay matsa nagalibot eamang ro statement ag akusasyon sa mga ginpresentar witnesses.
Ro impeachment hay para sa bise presidente apang ro problema hay matsa nagaguwa nga negligence eamang ro anang naging saea bangud nga uwa imaw nakamonitor sa trabaho it anang mga tawo.
Raya nga pabangod hay mahina para sa goal nga maimpeach si VP Duterte.
Posible nga may makasuhan sa mga ginpresentar nga witness ag klaro nga may anomalya gidman nga nag-eontad base sa mga ginpresentar nga ebidensya.
Ginpahayag dugang ni Fr. Rebaldo nga kinahang-ean nga mapamatud-an it husto ro mabug-at nga akusasyon kontra sa bise presidente agud nga maimpeach raya.
