Death toll sa pagbaha sa Nepal, nagsaka eon sa 570; missing naga-abot pa sa haeos 2,000

Nag-abot eon sa 570 ro numero it mga nagkaeamatay samtang haeos 2,000 nga iba pa ro missing sa pagbaha sa Nepal.

Sa pinaka-ulihi nga impormasyon, 4,000 eon ro na-rescue ag kapin sa 100 nga mga turista ro nakit-an.

Mabudlay gihapon ro search and rescue operation bangud sa mabahoe nga hangkat sa mga rescuer ro kaeapad it kahalitan nga gintuga it pagbaha kapareho it mga nagkaeaguba nga karsada ag tulay rason nga masyadong mabudlay ro pag-agto sa mga lugar nga grabeng naapektuhan.

Dugang pa kara ro na-eksperyensyahan nga mabaskog nga mga pag-uean nga nakadugang sa problema.

May paeag man it bag-o nga landslide bangud sa natipon nga tubi kasunod it mudslide.