Ginpunto it Department of Justice (DOJ) nga nag-agi sa maid-id nga deliberasyon ro andang gin-presentang ‘budget proposal’ para sa dag-ong 2027.
Suno kay Justice Usec. Ian Norman Dato, anang ginpamilit nga nagpaidaeomn sa pag-tuon ro ginproponer nga pondo it taeatapan.
Partikular sa proposed budget para sa ‘confidential funds’ it ahensiya, kapansin-pansin nga raya hay eubos nga mas manaba kumpara makaron nga dag-on ag ku nagtaliwan nga 2025.
Kun siin P364 million pesos nga eamang para sa masunod nga dag-on, mas manaba sa P700 million pesos it 2026 ag 1.5-bilyon piso mat-a ku 2025.
Sa pihak nga nagpamalibad eon nga magpaathag ro opisyal, ginsigurado nana nga nagakaigo man ro proposed budget sa mga programa it ahensiya.
Apang sa pihak kara, ro kabilugan nga budget proposal it taeatapan para sa dag-ong 2027 hay nagtaas kun ikumpara sa gintaeana nga budget makaron nga 2026.
Nadugangan raya it haeos sang bilyon piso, 46.44 billion pesos sa 2027 samtang 45.5 billion pesos mat-a ro budget sa presenteng dag-on.
