Nag-anunsyo si Prime Minister Balendra Sha nga igapatigayon ro National Day of Mourning sa September 7, bilang raya eon ro ika-13 adlaw matapos ro mapanghalit nga baha nga tumama sa Nepal-Tibet border ku Agosto it presenteng dag-on.
Suno sa Hindi Tradition ro ika-13th day ro pagtapos it mourning period.
Base sa pagpati ag tradisyon, ro seremonya hay ginatawag nga Shraddha kun siin raya hay naga-simbolo it ulihing ritwal agud pahilwayon eon ro kaeag it mga namatay.
Samtang, ginabueubanta nga gaabot eon sa 1,259 ro numero it mga namata sa nasmabit nga trahedya, suno sa National Disaster Risk Reduction and Management Authority it Nepal.
Halin sa numero ngara, ginabueubant nga 95 pa eamang ro natumod nga pagkatawo ag nabalik eon sa andang mga pamilya.
Samtang, ginabueubanta man nga una sa 4, 216 nga indibidwal gihapon ro gina-usoy hasta sa makaron, samtang 7,500 mat-a nga kabaeayan ro nasamad matapos ro trahedya.
