Napaseawan ro pagpatuman it death penalty kay Christina Gail Pike sa Tennessee ku Setyembre 30 matapos imaw nga mataw-an it daywang dose it lethal drug nga pentobarbital.
Suno sa anang mga abogado, nagapabilin nga bugtaw si Pike matapos ro unang dose ag uwa nagbuhay hay gindaea imaw sa ambulansya.
Sang oras antes ro nakataeana nga execution, temporaryong ginpapundo ro pagpatuman it sintensya.
Makataliwan ro pilang oras, ginbasura man it U.S. Supreme Court ro nasmabi tnga kasuguan, apang uwa eon uman nga ginpatigayon ro execution matapos ro daywang paghana.
Si Pike hay nasintensyaghan bangud sa pagpatay nga ginhimo ku 1995, kat imaw hay 18-anyos.
Kun ginpadayon ro execution, imaw ro magiging unang babayeng ginpapanaugan it death penalty sa Tennessee sa sueod it masobra 200 dag-on.
