Nagpanindugan ro International Criminal Court (ICC) nga igapadayon nanda ro pagpatuman it mandato angot sa nakataeana nga pagbista kay dating Pangueong Rodrigo Duterte sa pihak it mga gintao nga maeapnagong sanksyon it gobyerno it Estados Unidos.
Suno kay ICC President Tomoko Akane, padayon nga pagagamiton it hukuman ro bilog nga gahom nga may kahilwayan ag pagiging patas, base eamang sa laye ag mga ebidensya, para sa kapakanan it maabong biktima it mga seryosong krimen.
Nakataeana ro pagbista kay Duterte sa Nobyembre 30 sa The Hague, Netherlands angot it kasong crimes against humanity bangud sa mga kaso it pagpatay sa idaeom it anang kampanya kontra sa iligal nga droga.
Ginpahayag it tribunal ro nasambit nga panindugan matapos magpaguwa it mga panibag-ong pagstrikto ag sanksyon ro administrasyon ni US President Donald Trump kontra sa operasyon it pangkalibutanong hukuman.
