Hugot nga ginpamaeabagan it International Criminal Court (ICC) ag pilang miyembrong nasyon ro mga gin-imponer nga institusyonal nga sanksyon it Estados Unidos kontra sa korte.
Suno sa ICC, ro tikang it US hay posibleng makasab-eag sa pag-usoy it hustisya ag sa independiyenteng pag-obliga sa responsibilidad kara nga imbestigahan ro mga kasong genocide, krimen kontra sa katawhan, krimen sa gyera ag agresyon.
Sa pihak kara, ginpasiguro ni ICC President Tomoko Akane nga magapadayon ro operasyon it korte it hilway ag uwa it ginadampigan base sa laye ag ebidensiya.
Gin-engganyo man nana ro mga miyembrong nasyon nga padayong suportahan ro institusyon.
Samtang, nagpahayag it pagkanugon ro Assembly of States Parties it ICC sa mga sanksyon, samtang uman nga ginpalig-on it mga foreign minister it United Kingdom, Canada, Denmark, Germany, France, Italy, Japan ag Netherlands ro suporta it andang mga nasyon sa korte.
