Gin-aprubahan ni Pope Leo XIV ro pagtaeana kay Cardinal Luis Antonio Tagle bilang bag-ong Dean it College of Cardinals, sambilog sa mga pinakamataas ag pinakaimportanteng posisyon sa Simbahang Katolika.
Si Tagle nga presenteng nagaserbi bilang Pro-Prefect it Dicastery for Evangelization’s Section for First Evangelization and New Particular Churches, ro magabueos sa pwesto agud pamunuan ro lupon it mga kardinal sa bilog nga kalibutan.
Ginbuslan it Pilipinong kardinal si Cardinal Giovanni Battista Re, nga nagserbi bilang Dean it nasambit nga lupon halin pa ko Enero 2020.
Bilang bag-ong Dean it College of Cardinals, ginabuytan eon makaron ni Tagle ro obligasyon nga dumaeahan ro mga opisyal nga pagpueong it mga kardinal kon may importanteng isyung ginapangatubang ro Simbahan.
Kaibahan man sa nagapangunang obligasyon it Dean ro pagtawag ag pagdumaea it Papal Conclave ukon ro proseso it pag-ilihir it bag-ong Santo Papa engkasong mabakante ro posisyon sa Vatican.
