Nagpaandam ro Department of Trade and Industry (DTI) region VI kontra sa bukon it makatarungang pagtaas it presyo it mga nagapangunang baeak-eon sa Western Visayas, kadungan it pagtaas sa siyam nga porsiyento it inflation para sa pinakakubos nga 30 porsiyento it mga pumueoyo ko Setyembre 2026.
Suno kay DTI-6 Officer-in-Charge Regional Director Mutya D. Eusores, regular nga ginamonitor it andang mga provincial office ro mga supermarket ag mabahoe nga establisimyento agud masiguro ro pagsunod sa Suggested Retail Prices (SRP).
Sa makaron, kaeabanan sa mga establisyimento hay nagasunod sa gintaeana nga presyo, apang ginaimbestigahan ro mga naireport nga iregularidad.
Ginpadumdom man it DTI region 6 ro mga retailer nga awtomatikong ginapairal ro price freeze sa mga nagapangunang baeak-eon sa mga lugar nga gindeklarang una sa state of calamity, sandig sa Price Act.
Gin-engganyo mat-a it publiko nga ireport sa ahensya ro anumang kaduda-dudang pagtaas it presyo ukon problema sa suplay agud eagi nga maaksyunan.
Padayon nga nagapakalisod sa mga pamilyang may manabang kita ro pagtaas it presyo it langis, pamasahe, pagkaon ag iba pang gastuson, kamana man ro epekto it maeain nga tyempo sa produksiyon it agrikultura ag pangisdaan.
