11 tripulante ro ginausoy sa Black Sea matapos pasabugon ro daywang barkong pang-merkado maeapit sa baybayon it Bulgaria, adlaw it Martes.
Angot raya sa presenteng tension sa tunga it nasyon it Ukraine ag Russia suno kay Bulgarian Prime Minister Rumen Radev kon sa siin ginpatawag eon nana ro Russian ambassador matapos pabagbagan it Russian drones ro daywang barko.
Suno kana, tatlong Russian aerial drones ro tumama sa Chelsea 3, sangka Ukranian-owned cargo ship nga may sakay nga 15 tripulante nga insigidang naeowas it mga rumesponde.
Kaibahan sa ginpasabugan nga barko ro HS Dignity, sangka Guinea-Bissau cargo vessel nga paadto kunta sa Romanian port it Braila.
Limang katawo ro na-rescue sa barko apang nagapabilin nga missing ro 11 tripulante.
Samtang, nakaalerto eon ro North Atlantic Treaty Organization (NATO), European Union (EU), maging ro gobyerno it Ukraine ag Bulgaria sa nagahana nga peligro sa Black Sea tuga it gyera sa tunga it Ukraine ag Russia.
