Nakahimo ro ap-at nga estudyante it engineering halin sa University of Canterbury sa New Zealand it robot nga sarang magsolbar it 4x4x4 Rubik’s Cube sa sueod eamang it 9.8 seconds.
Sanday Caleb Everitt, Hayden Watson, Maz Cameron ag Johann Torres nga una sa ika-ap-at nga dag-on it mechatronics engineering hay naengganyo nga maghimo it robot matapos makakita it video it kaparehong makina nga nakasolbar it puzzle sa sueod it 45 seconds.
Agud mapadasig ro robot, gumamit ro grupo it mas mabaskog nga motor ag nag-disenyo it mekanismong sarang manipulahon ro tanan nga parte it cube nga inde kinahang-ean ro pauman-uman nga pagpatiyog agud nga makit-an ro kada parte kara.
May ap-at nga kamera ro robot nga nagabuoe it impormasyon angot sa mga kulay it cube.
Ginaproseso ro datos gamit ro sangka open-source algorithm agud matumod ro mga hueag nga kinahang-ean sa pagsolbar kara.
