Magataeana it dugang nga pondo ro Estados Unidos agud nga mapadasig ro modernization program it Armed Forces of the Philippines (AFP).
Raya ro ginpahayag ni U.S. Secretary of War Pete Hegseth sa pakikipagpueong kay Philippine Defense Secretary Gilberto Teodoro Jr. sa Cebu ko Oktubre 28.
Suno sa U.S. Department of War, tuyo it dugang nga pondo nga pabaskugon ro ikasarang it AFP ag pamayaron ro koordinasyon it militar it Pilipinas ag Estados Unidos.
Ginkasugtanan man it daywang opisyal nga pabaskugon ro command and control systems agud nga mapadasig ro pagbaeayluhan it impormasyon ag pagbueuligan it daywang nasyon.
Gintalakay man nanda ro pagpaumwad it mga pasilidad ag imprastraktura sa ideum it Enhanced Defense Cooperation Agreement (EDCA), kaibahan ro mga pasilidad nga pagatipunan it mga kagamitang militar.
Sa pihak kara, owa pa ginpaguwa it Estados Unidos ro eksaktong kantidad it dugang nga pondong igataeana para sa modernisasyon it AFP.
