Uman nga makikipagsapalaran si Filipina tennis star Alexandra Eala agud nga maangkon ro anang unang daog kontra kay Czech Republic player Tereza Valentova sa andang ikatlong pag-atubang.
Nakataeana nga pagahiwaton ro andang hampang hindunang alas-6:30 it gabi-i, Nobyembre 5.
Sa andang daywang nauna nga pag-atubang, parehong nagdaog si Valentova. Una sanda nga nag-atubang sa Japan Open ko 2025, kun sa siin ginpiyerde it Czech player ro Filipina sa straight sets, 6-1, 6-2. Uman sanda nga nagka-atubang sa Qatar Open sa Doha ko Pebrero 2026, kun sa siin, uman nga nagdaog si Valentova sa score nga 7-6, 6-1.
Sa pihak kara, magasueod si Eala sa andang ikatlong pag-atubang nga may manami nga momentum matapos piyerdihon si Australian player Emerson Jones, 6-4, 6-3, sa opening round it Hong Kong Open.
Samtang, halin man si Valentova sa daog kontra kay Japanese player nga si Himeno Sakatsume, 6-3, 7-5, agud nga makasueod sa Round of 16.
Mas mataas man ro presenteng ranggo ni Eala sa Women’s Tennis Association (WTA) sa No. 17, kumpara kay Valentova nga una sa No. 85.
