Ginreklamo it Swedish pop superstars nga Abba ro paggamit ni dating US President Donald Trump it andang kanta sa anang kampanya.
Suno sa grupo nga maging mga music videos it andang mga kantang “The Winner Takes It All”, ” Money, Money, Money” ag “Dancing Queen” hay ginagamit ni Trump sa anang pagpangampanya sa Minnesota kato pang Hulyo.
Ro nasambit nga mga kanta ag music video hay uwa sigon gin-eaong it kampo ni Trump nga ana raya nga pagagamiton.
Ginhinyo it grupo ag kaibahan ro andang record label nga dueaon eon raya ag inde eon pagpatukaron ro andang kanta sa campaign trail it dating presidente.
Bukon eamang it raya ro unang kahigayunan nga ginreklamo ro dating presidente it mga musikero it iligal nga paggamit it andang kanta bangud nga pila sa mga raya hay ro mga bandang Foo Fighters, REM, Rolling Stones, singers nga sanday Celine Dion, Isaac Hayes, Adele ag Sinead O’Connor.
