Ginaeabag sigon it presenteng bersyon it absolute bill nga gin-aprubahan it Kamara ro deklarasyon it 1987 Constitution nga ro kasae hay sangka banal nga social institution.
Raya ro opinyon ni retired Supreme Court (SC) Associate Justice Adolfo Azcuna angot sa kontrobersiyal nga hagna nga nagatuyong pasugtan ro mga mag-asawa nga madueaan it bisa ro andang kasae.
Nakabaehag sigon sa Article 15, Section 2 it Konstitusyon, ro kasae hay sangka inviolable social institution nga pundasyon it pamilya ag dapat nga protektahan it estado.
Kon madumduman, gin-aprubahan it House of Representatives ro House Bill No. 9349 ukon absolute divorce bill sa ikatlo ag ulihing pagbasa ko Mayo 22.
Samtang, sa makaron hay mismong ro Pilipinas ag ecclesiastical state it Vatican City ro mga nasyon sa bilog nga kalibutan nga uwa it divorce law.
