Ginpaathag it Aklan Electric Cooperative ukon Akelco ro kabangdanan it andang ginpatuman nga pagpataas sa panueuktan sa kuryente makaron nga buean it Setyembre.
Suno kay Akelco General Manager Atty. Ariel Gepty nga nagtaas makaron ro andang electricity rates sa ₱1.5502 per kwh kumpara ko nagtaliwan nga buean rason nga nagtaas ro panuektan sa P15.11 per kwh halin sa P13.56 per kwh ko Agosto.
Raya hay tuga sigon sa pagtaas it andang generation charge system ukon ro kaparte it monthly bill nga ginakolekta sa mga consumer nga pambayad sa kuryenteng ginatau it generation companies kapareho it Greencore Geothermal Incorporated, Panay Energy Development Corporation , Panay Power Corporation, Palm Concepcion Power Corporation ag Wholesale Electricity Spot Market.
Eubus nga naka-apekto sa rate hike hay ro pagtaas it bunker oil ag presyo it coal tuga it nagapadayun nga giyera sa tunga it Russia ag Ukraine.
Mag-eowas kara, ro paghina sigon it peso kontra dolyar ro nagpataas sa charges it mga generation companies bangud nga dolyar ro andang ginagamit sa pagbakae it coal ag langis.
Nakapa-grabe pa sa sitwasyon ro inflation ukon pagtaas it presyo it mga baeak-eon ag serbisyo sa nasyon.
Nasayuran nga ko miyerkules nga adlaw, ro peso hay nag abot sa all-time low nga 58 pesos kontra sa dolyar .
Gindugang pa ni atty gepty nga nakadepende sa dikta it world market kon magapabilin ukon makaangkon eon man it rate increase sa masunod nga buean tuga it padayun nga pagsadsad it piso kontra dolyar .
