Kapareho sa mga Pilipino, nakaangdan eon man it mga intsik nga bisitahon ro andang mga pinalangga sa kabuhi nga nagtaealiwan nga nakaeobong sa Chinese cemetery.
Suno kay Mr. Henry Lao, director it Aklan-Chinese Community nga nagasindi man sanda it kandila sa panchon it andang mga himata ag nagapakaon.
Mag-eowas kara, nagasunog sanda it money paper bilang tradisyon it Chinese community.
Ginpahayag dugang ni Mr. Lao nga katoliko ro andang relihiyon rason nga nagasunod sanda sa tradisyon it simbahan.
Sa nasambit nga musuleo hay nakaeobong ro anang mga ginikanan ag iba pang miyembro it pamilya.
Sa makaron suno kana hay masobra sa 8,000 ro nakaeobong sa nasambit nga sementeryo ag haeos puno eon sigon raya rason nga nagausoy sanda it eogta para himuon nga dugang nga sementeryo.
