Pormal eon nga ginpaabot ni Aklan first district board member Nemesio Neron sa plenaryo sa ginpatigayon nga session it Sangguniang Panlalawigan ro anang kagustuhan nga malimpyuhan ro Aklan river.
Ginpahayag it chairman it committee on disaster and preparedness nga posibleng ro mga sand bars ro rason kon ham-an it bukon it dire-diretso ro pag-ilig it tubi sa suba nga naging rason it pag-apaw it tubi-baha sa mga manaba nga lugar partikular iya sa banwa it Kalibo.
Tuyo kara nga maistudyuhan kon paano mabueo ro mga sand bars bangud nga posibleng raya ro nagapugong sa tubi rason nga bukon it tayuyon ro pag-ilig eabi eon kon magbaskog ro sueog it tubi.
Bangud kara, ro legislative inquiry nga igapatawag it komitiba sa mga natungdan nga ahensya it gobyerno nga ginpaboran man it plenaryo hay para maistudyuhan ro problema sa Aklan river nga magtuyuyon ro pag-ilig it tubi nga malikawan ro pagbaha.
Nasayuran nga catch basin it tubi-baha ro banwa it Kalibo rason nga uwa gid nakasalbar ro banwa sa maeapnagon nga pagbaha ko nagtaliwan nga buean it Oktobre.
