Presenteng naka-quarantine sa Metro Manila si Aklan first district board member Nemesio Neron kaibahan ro anang asawa nga si punong barangay Alma Neron it Sigcay, Banga kasunod it pagpositibo nanda sa coronavirus disease ukon Covid-19.
Ginpahayag ni Neron nga mild eamang kanda ro epekto it virus bangud nga kompleto sanda sa covid-19 vaccine hasta it booster shot.
Sa mga masunod nga inadlaw sigon hay uman sanda nga magapa swab test agud nga masayuran kon negatibo eon sanda sa virus para makauli eon iya sa probinsya it Aklan.
May kaangtanan kara, ginhinyo ag gin-engganyo ni Neron ro publiko nga kumpletuhon gid ro andang bakuna kontra sa covid-19 bangud nga mabahoe raya nga bulig engkaso nga matapnan it nasambit nga sakit.
Mismong sanda ro nagapamatuod nga mild eamang ro magiging epekto it virus sa eawas it tawo kon kumpleto it bakuna kontra sa pandemya.
