KALIBO, Aklan–Kadungan sa selebrasyon it 44th National Disability Prevention and Rehabilitation Week, ro Aklan provincial government pinaagi sa Persons with Disability Affairs Office ukon PDAO sa pagpamuno ni Randy Rebaldo hay gintipon ro mga person’s with ability ukon PWD leaders sa bilog nga probinsya ag gintaw-an ro andang mga miyembrong nagakinahang-ean it wheelchairs ag walkers.
Ginpahayag ni Aklan second district board member Jay Tejada nga ginpadayon ni Aklan Gov. Joen Miraflores ro commitment it anang ama nga si dating gobernador Florencio Miraflores nga maalokaran it pondo ro nasambit nga taeatapan nga magamit sa andang mga programa ag proyekto.
Ginapabugae man ni Tejada nga naabot it gobyerno probinsyal ro kapin sa 1 percent it mga pwd’s nga empleyado nga na-hired sa mga taeatapan kon siin nagakabagay ro andang ikasarang ag qualifications.
May kaangtanan kara, nagpanagawan imaw sa mga local government unit ukon LGU’s nga maghired it mga skilled ag kwalipikadong pwd’s sa andang taeatapan para mataw-an ro mga raya it trabaho.
Naging bisita sa nasambit nga aktibidad ro praticing lawyer nga si Atty. Janmar Barrios kamana man si Ronnie Salminao, teacher 1 it Unidos National High School.
