Bangud sa mabinueawanon nga tagipusuon ag pag-ulikid sa isigkatawo, gibuligan it sangka Akeanon nga si Jun Beltran ro Akeanon nga nag-viral sa social media post nga palaboy-laboy sa tindahan it Apalit, Pampangga.
Kon madumduman, sa viral post it vlogger nga si Esmeralda Navarro it Mher Pineda vlog, nagapangayo it bulig si Herich Rose ukon mas kilaea sa tawag nga Eric nga makauli sa Aklan partikular sa banwa it Balete.
Suno kay Beltran, nakabatyag raya it kaeo-oy sa sitwasyon ni Eric sa nasambit nga lugar.
Bangud sa kahidlaw nana sa anang ginikanan partikular sa ana ama hay nagdesisyon si Beltran nga daehon nana pauli si Eric nga natyempo man sa 40 days it ana nga nagtaliwan nga ama.
Maabo sigon ro nagmessage kana eakip eon ro manghod ni Eric nga ginausoy eon imaw.
Suno sa pag-istorya nanda nga pahalin-halin sigon it lugar so Eric bangud naga-usoy raya it pagkaon ag nagapangalakal it basura agud may ibaligya ag may makaon.
Ko sang adlaw lang man nagkita sanday Beltran ag si Eric ag ro andang pag-istorya hay bangud sa anang manghod.
Panaysayon man ni Beltran nga nag-usoy raya it tikang agud makabulig kay Eric kon sa siin nagpangayo raya it bulig sa anang mga himata ag nag-intra sa mga facebook page sa Apalit ag Bulcan para magmonitor.
Mag-eowas kana, maabo man ro nga Akeanon ro nagbulig ag naeo-oy sa sitwasyon ni Eric.
Pahayag man ni Beltran, kinahangean sigon nga mageapit si Eric sa mga ahensya partikular sa barangay para mabuligan raya sa ana nga sitwasyon eabi eon nga imaw hay sangka solo parent.
Mabahoe man ro pagpasaeamat ni Herich Rose kay Jun Beltran nga bulig kana nga maka-uli sa probinsya it Aklan eabi eon sa banwa it Balete.
Nasayuran nga sambilog nga persona ro nakaibahan ni Eric kat raya hay nag-agto sa bahin it Maynila para makipagsapalaran nga magtrabaho bilang construction worker, apang gin-aywan imaw it anang mga kaibahan.
Kadungan it pag-aywan kana hay ginbo-oe pa ro anang kwarta ag eambong.
Panaysayon ni Dorada, nga nag-uebog raya sa Balagtas kon sa siin ginhimo nana nga mahaea ro ana nga bag, apang nataeupangdan nana nga naduea kaw imaw hay nagbugtaw.
Owa man nana raya ginpablotter ag nagtikang-tikang eamang imaw para maka-usoy it pagkaon.
Bueag sa asawa ag may daywa ka onga si Dorada kon sa siin sambilog kara hay Grade 5 ag ro sambilog hay owa naga-eskwela bangud owa it birth certificate.
Suno kana, mabahoe man ro ana nga pagpasaeamat sa mga nabulig kana eabi eon sa Ginoo nga naka-uli imaw kanda.
Ro mga nabulig kana eabi eon sa Ginoo nga naka-uli imaw kanda.
