KALIBO, Aklan – Masami nga ginalikawan ag ginakalisdan it kaabuan ro subject ng Mathematics bangud raya hay malisod apang para kay Dashell Sean Ravenas Villanueva raya hay ro anang gusto nga subject kun siin makabig nana madali.
Nag-uli it gold award si Villanueva sa Chinese International Mathematics Competition nga ginhiwat via online.
Paathag nana nga maabong mga nasyon ro anang mga naging kontra kapareho it Nepal, China, Malaysia ag maabong iba pa.
Mag-euwas sa mga online competition maabo eun man ro anang kompetisyon nga gin-intrahan ag malipayon imaw nga anay ginarepresenta ag ginawagayway ro bandera it Pilipinas.
Dugang nana nga medalya eamang ro anang habaton ag ro pagrepresenta sa nasyon sa mga kompetisyon hay sobra sa pagkabaton it mga incentive.
Eubos man ro anang pasaeamat sa andang bulig kana, suporta ag ag-angganyo.
Paathag ni Villanueva nga bukon eamang it sa subject nga magpangibabaw ro sangka tawo, kundi sa iba pa nga mga skills.
