Nagsaka eon sa 1,002 nga unga ro namatay ag masobra sa 187,000 nga iba pa ro nagamasakit bangud sa pinaka-grabeng outbreak it tipdas sa Bangladesh.
Suno sa US Centers for Disease Control and Prevention (CDC), ro nasambit nga nasyon makaron ro may pinakamabahoe nga pagkalhit it tipdas sa bilog nga kalibutan.
Nag-ugat ro krisis sa kakueangan it bakuna tuga it mga pagbag-o sa policy ag pampulitikang kinagamo ko 2024 ag 2025.
Maskin nga 18 milyong unga ro nabakunahan sa emergency drive ko Abril, apang kapin sa ap-at nga milyon gihapon ro owa naabot.
Mas pa nga nabudlayan ro mga ospital bangud nga dungan nanda nga gina-atubang ro pag-abu it kaso it dengue sa nasyon.
Padayun man nga naga-usoy ro mga health team it mga unga nga owa pa nabakunahan agud nga mabawasan ro mga namatay.
