Nakalista it maabot sa 18 ro narekord nga insidente ag aksidente ro Aklan Police Provincial Office (APPO).
Suno kay P/Cpt. Aubrey Ayon, tagapaghambae it APPO, nga nakarekord sanda it 18 ka mga aksidente sa bilog nga probinsya sa sueod it an-om nga buean it pesenteng dag-on.
Ro buean sigon nga may pinaka-maabong nageuntad nga aksidente hay ro buean it Enero nga nakalista it kabilugang 8 nga aksidente. Ku Pebrero hay nakalista ro andang taeatapan it tatlong aksidente, ku Marso hay may una nga daywa, Abril hay may daywa ag ku Mayo hay nakalista sanda it tatlo ka mga aksidente.
Kaeabanan sigon sa mga raya hay mga eaeaki ag ro rason hay driver’s error kapareho it reckless driving.
Dugang pa ni P/Cpt. nga may pila sa mga imbolbado hay mga menor de edad apang kaeabanan hay una sa legal nga edad. Maabo man sigon sanda narekord nga aksidente nga ro imbolbado hay ro mga nagamaneho it motorsiklo nga uwa it suksok nga helmet ag bukon it lisensyado.
Padayon man sigon ro ginahimo nga raod safety summit kaibahan ro mga provincial offices kun siin naga edukar sanda sa mga pumueuyo.
Samtang, ginpahayag man nana nga sa pagbukas it klase hay ro andang pokus it deployment hay ro balik eskwela kun sa siin i-ekspektar it mga pumueuyo nga makita gid ro presensya it mga kapulisan sa mga eskwelahan eabi eon sa mga major roads para mag asister sa traffic.
Gusto man nanda ipaabot nga maging responsible sa paggamit it mga karasadahon, sa pag maneho it mga behikulo, indi pagkalipatan nga magsuksok it helmet para sa mga naga-motorsiklo, ag permi nga tan-awon ro kondisyon it saeakyan ag mismong kondisyon it kaugalingon.
