Diretsahang ginpahayag ni Defense Secretary Gilberto Teodoro nga ginhungod ag bukon it aksidente kamana man bukon it misunderstanding ro natabo nga insidente sa Ayungin Shoal ko June 17,2024 kon sa siin sangka navy personnel ro nautdan it tudlo bangud sa agresibong aksiyon it China Coast Guard.
Angot kara, uwa nagabag-o ro polisiya it Pilipinas angot sa isyu sa West Philippine Sea ag maskin san-o hay inde pag-isurender it Pilipinas maskin ro sang pulgada it aton nga teritoryo.
Inde suno kana magpa api ro Pilipinas maskin kanyo.
Ginpahayag dugang ni Teodoro nga igapadayon it militar nga depensahan ro aton nga teritoryo ag ipatuman ro sovereign rights it nasyon.
Inde man suno kana kinahang-ean magpangayo it permiso maskin kanyo sa pagpatuman sa sinumpaang obligasyon it partikular sa West Philippine Sea.
Gin-insister ni Teodoro nga magapadayon ro rotation and resupply mission sa Ayungin Shoal bangud nga importante ro kapakanan it mga soldado nga naka station sa BRP Sierra Madre.
