Gintaeana it International Criminal Court (ICC) ro pilang mga importanteng petsa para sa masunod nga yugto it pagpamati sa kaso ni dating Pangueong Rodrigo Duterte, nga masobra sang dag-on eon nga nakadetine sa The Hague.
Kasunod raya it unang status conference ku Mayo 27, kun siin ginhathat ro masunod nga mga tikang sa proseso it kaso. Kaibahan sa mga gintaeana nga petsa ro June 23 para sa pangaywang status conference, samtang sa June 29 nakataeanang isumite it prosecution ro andang paunang listahan it mga testigo.
Sa July 14 mat-a pagahiwaton ro pangatlong status conference.
Gintaeana man ro August 31 bilang deadline para sa final witness list ag ebidensiya it prosecution, samtang sa September 28 igapatigayon ro trial briefing para sa mga representante it mga biktima.
Nakataeana mat-a ro October 30 para sa defense panel briefing.
Ginaeauman nga magaumpisa ro aktuwal nga pagbista sa Nobyembre 30, 2026, nga gaabot sa ika-20 buean halin kat maaresto ro dating pangueo sa Maynila.
