Ginakabig it aktres nga si Nadia Montenegro nga sangka regalo makaron nga Women’s Month ro pagdaog nana sa pagpasaka it kaso kontra sa security staff it senado.
Ginpasugtan sigon it Pasay City Prosecutors’ Office ro pagpasaka it kasong unjust vexation kontra sa security officer.
May kaangtanan ro nasambit nga insidente ko 2025 kon sa siin ginpasibangdan ro aktres nga nagagamit it iligal nga droga samtang sa sueod it comfort room it Senado.
Sa resolution nga ginpaguwa ni Senior Assistant City Prosecutor Ju-Haree De Tolentino, ginarekomenda kara ro pagpaskaa it mga kasong unjust vexation case ag violation of Republic Act 11313, ukon kilaea bilang Safe Spaces Act kontra sa Security officer it Senado.
Madumdumang ko Agosto 12, 2025 hay ginsita imaw it security officer sa Hallway it Senado matapos nga gumamit it comfort room kon sa siin ginbira imaw ag ginkutana kon naggamit raya it marijuana.
Ginpakita it aktres ro sueod it anang bag maging ro vape para mapamatud-an nga uwa raya it sueod nga iligal nga droga.
Apang nagdihon gihapon it incident report ro security officer kon sa siin raya hay nag-leaked ag nagkalhit sa social media.
Bangud sa insidente hay nagresign ro aktres sa pagiging staff ni Senator Robin Padilla.
