Pagatinguhaan ni Alex Eala nga maka-umpisa it mabaskog nga kampanya sa Strasbourg Open kun sa siin maka-atubang nana si Ukrainian tennis star Oleksandra Oliynykova sa opening round, adlaw it Lunes, Mayo 18.
Magiging mabug-at sa Filipina tennis star si Oliynykova, nga presenteng una sa world No. 68 sa WTA rankings ag may eksperyensiya eon sa Grand Slam matapos ro anang debut sa Australian Open makaron nga dag-on.
May solid man imaw nga clay-court resume matapos magdaog it tatlong WTA 125 titles ko nagtaliwan nga dag-on sa Italy, Argentina, ag Chile.
Bago nag-agto sa France, napiyerde si Oliynykova kay Simona Waltert sa Round of 128 it Madrid Open.
Samtang, naghalin man si Eala sa third-round exit sa Italian Open kun sa siin napiyerde imaw kay two-time Grand Slam champion Elena Rybakina, 6-4, 6-3.
Ro Strasbourg Open hay magiging ikalimang clay-court tournament ni Eala makaron nga season matapos ro anang mga kampanya sa Linz, Stuttgart, Madrid, ag Rome, samtang padayun nana nga ginahasa ro anang hampang sa European clay swing.
