-- ADVERTISEMENT --
“Greatest achievement” kung kabigon ni Alexa Ilacad ro anang pagtapos sa kolehiyo.
Base sa impormasyon, nagtapos ro 22-year-old actress sa Treston International College bilang sangka Dean’s Lister.
Ginpakigbahin man ni Ilacad ro anang graduation photo kaeakip ro kataga halin sa American politician nga si Colin Powell nga nagahambae nga ro sangka handom sigon hay indi mataw-an it katumanan kung owa it determinasyon ag pagpanikasog.
Suno pa sa young actress, kabay nga napasadya nana ro anang mga ginikanan sa anang naangkon nga college diploma.
