Nagpaathag eon sigon si Alice Guo sa kung haman uwa raya nagsugid it matood sa anang tunay nga lokasyon sa mga nakataliwan nga binuean.
Suno sa legal counsel it dating alkalde nga si Atty Stephen David, ginhambae sigon kana ni Alice nga ro paeag sa anang kabuhi ro mismong rason kung haman napilitan raya nga indi magsugid it anang matood nga lokasyon.
Dati man nga ginapilit it abogado nga sa Pilipinas pa gihapon si Guo hasta sa nagtuhaw ro balita nga naaresto raya it mga miyembro it Indonesian Police ag diritso eon nga napabalik iya sa Pilipinas.
Suno kay David, nagapati sigon si Guo nga base lalo eamang imaw nga matiktikan it mga paeag sa anang kabuhi kung isugid nana ro anang address.
Uman mang ginpamilit it abogado nga dati eon nga gusto ni Alice nga sumuko sa mga otoridad bago pa man imaw makita ag madakpan it Indonesian authorities.
Sapihak kara, uwa man sigon it mahimo ro dating alkalde nga sumuko bangod eon man sa paeag sa anang kabuhi. Una man nga gin isturya it abogado ro anang kliyente pagbalik nana iya sa Pilipinas ko Biyernes it aga-aga.
