Personal nga nag-adto si dismissed Bamban, Mayor Alice Guo kaibahan ro anang legal counsel nga si Atty. Stephen David sa pagpamati it anang deportation case sa Bureau of Immigration (BI) kahapon Biyernes, Nobiyembre 15.
Iya ginhinyo it BI kay Guo nga pamatud-an nga saea ro findings it National Bureau of Immigration (NBI) nga imaw hay sangka Chinese national ag bukon it Pilipino.
Personal nga gin-isyu ni BI Board of Special Inquiry Chairman Gilbert Repizo ro nasambit nga direktiba kay Guo kun siin gintaw-an raya it 15 working days para hangkaton ro findings it NBI nga may expert testimony o opinion.
Matandaan nga nag-ugat ro deportation case ni Guo halin kat himuon ro pag-eksamina it NBI sa fingerprint it dating alkalde ag Chinese passport holder nga si Guo Hua Ping kun siin nagaguwa nga sangka tawo eamang raya.
Bilang sabat, nagsumite ro abogado ni Guo it memorandum sa board nga nagahambae nga may depekto sigon ro ginhimo nga examination it NBI.
Ginpunto ni Atty. David nga dapat maghimo it deportation proceedings ro BI sa oras nga magdesisyon ro korte nga fraudulent o peke ro birth certificate ni Guo.
