-- ADVERTISEMENT --
Nagpanindugan si Department of Public Works and Highways (DPWH) Secretary Vince Dizon nga uwa eon it allocables ukon pondong una sa diskresyon it mga mamalidha sa proposisyong 2027 national budget it ahensya.
Suno kay Dizon, ginkakas eon ro dating allocables ag uwa eon man ginamit ro parametric formula sa pagbilog it pondo.
Sa baylo, ginbase ro budget sa mga prayoridad nga proyekto nga ginrekomenda it mga distrito ag rehiyon.
Ginpahayag man it opisyal nga una sa 80 porsyento it masobra 11,000 proyekto sa proposisyong budget ro may endorsement halin sa Regional Development Councils (RDCs), mas mataas kumpara sa dating 25 hasta 30 porsyento.
Naga-eaom si Dizon nga maaprubahan ro budget para mas maabong konkretong proyekto ro mapatuman sa 2027.
-- ADVERTISEMENT --
