Sangka ama sa Vietnam ro nakaisip nga obrahon nga “tangke” ro sangka minibus para iregalo sa anang unga.
Ginasugid nga naggastos it $11,000 dollars ukon katumbas it P570,000 pesos ro ama nga si Truong Van Dao, agud nga mag-itsurang tangke ro sangka lumang 16-seater minibus.
Ro makina eamang ag flooring it minibus ro nabilin kat gin-obra nana raya nga wooden tank sa bulig man it pila nana nga amigo.
Waeo ro naging kariton it tangke ag may replika man it kanyon, kun sa siin nagbuhay it tatlong buean ro pag-obra.
Rason nga agaw-pansin sa karsada ro tangke ni Dao nga owa naga-eampas sa 25kph ro daeagan.
Mag-eowas sa masadya ro unga ni Dao sa gin-obra nana nga regalo, maabu man nga unga ro nalipay ag nagapabo-oe it litrato samtang nakasakay kara.
