Ginapanawagan ni Manila 3rd District Representative Joel Chua ro pagklaro sa mabahoe sigon nga diperensya sa tunga it datos it Anti-Money Laundering Council (AMLC) ag Statement of Assets, Liabilities, and Net Worth (SALN) ni Vice President Sara Duterte.
Suno kay Chua, “nakakalula” ro kantidad nga nagguwa sa figure it AMLC ag uwa sigon raya naga-eksakto sa gindeklarang manggad sa SALN, rason nga dapat ipaathag kon sa siin naghalin ro mga raya.
Mag-eowas kara, ginpunto it mamalidha nga base sa 1987 Philippine Constitution, uwa ginapasugtan ro Presidente, Bise Presidente, ag mga miyembro it gabinete nga makipagbahin sa negosyo.
Apang, nagguwa sigon sa SALN nga nakadeklara ro Bise Presidente bilang board of director, nga sambilog man sa isyung dapat klaruhon.
Gin-insister ni Chua, importante nga maklaruhan ro publiko agud mapabilin ro kumpyansa sa gobyerno ag masiguro ro integridad it mga opisyal.
