Mismong si Ana Jalandoni ro nagpasapubliko sa litrato it bouquet of flowers nga halin sigon sa kampo it aktor ag anang boyfriend nga si Kit Thompson.
Raya hay pilang adlaw matapos ro March 18 incident kung siin na-rescue it mga otoridad ro sexy actress sa sangka hotel room sa Tagaytay matapos makapangayo it bulig bangud sa pagpanakit it actor.
Kaibahan it bueak ro mensahe it simpatiya para sa sexy actress halin kay Erickson Raymundo, manager it 25-year-old actor.
Nakabutang sa card it bouquet ro handom ag pangamuyo angot sa madasig nga pagrekober ni Jalandoni.
Sa makaron, gina-istoryahan it mga netizen nga burado eon it daywa ro tagsa-tagsa nanda nga mga litrato sa Instagram ag naka-unfollow eon sa kada isaea.
Makaron man nga adlaw ginaeauman nga makapiyansa si Thompson sa bulig it Cornerstone Management para makagguwa eon raya sa Tagaytay Police Headquarters.
